Hjólaskóli Dr. Bæk og Víkings er ætlaður börnum á aldrinum 9-12 ára (fædd 2001-2004). Hjólaskólinn verður haldinn dagana 12. – 16. ágúst í Fossvogsdalnum. Mæting er við Víkingsheimilið, Traðarlandi 1.

Markmið hjólaskólans er að efla öryggi og færni barna á hjólinu. Farið verður yfir stillingar á hjóli og hjálmi. Æfð hjólatækni með leikjum og þrautum, hjólað í hóp um hverfið auk þess sem börnin munu læra helstu reglur og viðmið í umferðinni. Námskeiðið er hálfur dagur frá kl. 12:30 til kl. 15:30 fyrir utan einn heilan dag sem er frá kl. 10:00 til kl. 16:00. Þá verður farið í lengri hjólaferð um borgina og boðið upp á pylsur og safa. Langa hjólreiðaferðin verður annaðhvort farin fimmtudaginn 15. ágúst eða föstudaginn 16. ágúst en það mun ráðast af veðurspánni.

Börnin þurfa að vera klædd eftir veðri.
Létt nesti þarf alla dagana.
Boðið verður upp á grillveislu í löngu hjólaferðinni.
Skylda er að vera með hjálm.

Umsjón með hjólaskólanum hafa grunnskólakennararnir Bjarney Gunnarsdóttir og Sesselja Traustadóttir. Þær hafa einnig lokið kennaranámskeiði í Hjólafærni.

Verð: 14.500 krónur, 15% systkinaafsláttur.

Skráning í Hjólaskóla Hjólafærni

Nánari upplýsingar á This email address is being protected from spambots. You need JavaScript enabled to view it. eða í síma 864 2776Staðfestingargjald þarf að greiða samhliða skráningu. Millifærið 5.000 kr. í heimabanka; kt. 440411-2310, reikn. 1110-26-004404 og setjið nafn hjólreiðamannsins í skýringu. Sendið kvittun á This email address is being protected from spambots. You need JavaScript enabled to view it.

drbaek  Vikingur

|