Það er gaman að hjóla. Hjólreiðar eru ákjósanlegt samgöngutæki og leið til að fá næga hreyfingu daglega. Þær eru umhverfisvænar og ódýrar. Það kemur því ekki á óvart að mörg samfélög eru að hvetja fólk til þess að hjóla oftar!

Kemstu á áfangastað á hjóli? Sum nágrenni eru hjólafærari en önnur: Hversu fært er þitt? Lesið yfir spurningarnar á þessum gátlista og hjólið síðan um næsta nágrenni, kannski í hverfisbúðina, í heimsókn til vinar eða jafnvel í vinnuna.

|

Lesið meira...

Hjólafærni er í samvinnu við Rauða krossinn við að gera upp gömul reiðhjól með hælisleitendum. Sorpa og Reykjavíkurborg hafa stutt verkefnið auk annarra og rétt um 100 reiðhjól gengu í endurnýjun lífdaga árið 2017.

|

Lesið meira...

Í vetur verða farnar hjólreiðaferðir á laugardagsmorgnum eins og fyrri vetur. Að þeim standa Landssamtök hjólreiðamanna og aðildarfélag þess, Hjólafærni. Fyrir-hjólari flesta laugardaga verður Árni Davíðsson hjólafærnikennari og stjórnarmaður Landssamtaka hjólreiðamanna. Flestar ferðirnar verða farnar frá Hlemmi en ætlunin er að breyta til og hjóla frá nágrannasveitarfélögum höfuðborgarinnar einn laugardag í hverjum mánuði.
|

Lesið meira...

Hjólafærni á Íslandi, undir stjórn framkvæmdastýrunnar Sesselju Traustadóttur, hefur haldið utan um verkefnið og þróun þess á Íslandi frá því í apríl 2015. Þá undirritaði hún samkomulag við Cykling uden alder (CUA) í Danmörku, móðursamtök hreyfingarinnar. Um leið pantaði Hjólafærni 3 hjól til landsins, Christaniabikes, og hóf kynningu á verkefninu á Íslandi.

|

Lesið meira...

Það er frábært við hjólreiðar á Íslandi að við erum velkomnir gestir á gangstéttum. Fyrirmyndar hjólreiðamaður sýnir gangandi vegfarendum ævinlega fyllstu tillitssemi, notar bjölluna, dregur úr hraðanum og þakkar fyrir góða samvinnu á stéttum og stígum.

|

Lesið meira...

Ég er á reiðhjóli í rólegri umferðagötu. Ég ætla að beygja til vinstri og byrja á því að líta aftur fyrir mig. Ef mér er óhætt, færi ég mig í ríkjandi stöðu, þ.e. ég tek sama stað á akrein eins og stærri ökutæki. Ef ég sé ökutæki nálgast fyrir framan eða aftan mig, þá sýni ég stefnumerki með því að setja vinstri hendina út. Ég ætla að beygja til vinstri.

|

Lesið meira...

Síða 1 af 5